اقامتی و لیبر قوانین کی خلاف ورزی: قید، جرمانہ اور ملک بدری کی سزا

وزارت داخلہ نے واضح کیا ہے کہ جو بھی شخص اقامتی اور لیبر قوانین کے خلاف ورزی کرنے والوں کو نقل و حمل فراہم کرے، ملازمت دے، پناہ دے، ان کی پردہ پوشی کرے یا کسی بھی قسم کی مدد فراہم کرے، اس پر مالی جرمانہ عائد کیا جائے گا جو ایک لاکھ سعودی ریال تک ہو سکتا ہے۔

وزارت نے مزید بتایا کہ ان خلاف ورزیوں پر چھ ماہ تک قید کی سزا بھی دی جا سکتی ہے، جبکہ اگر خلاف ورزی کرنے والا غیر ملکی ہو تو اسے ملک بدر بھی کیا جائے گا۔

وزارت داخلہ نے شہریوں سے اپیل کی ہے کہ اقامتی، لیبر اور سرحدی قوانین کی خلاف ورزی کرنے والوں کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور مملکت کے دیگر علاقوں میں 999 پر دیں۔