امام فیصل بن ترکی ریزرو میں مقامی لکڑی منتقل کرنے والا شہری گرفتار

ماحولیات کے تحفظ کے لیے قائم خصوصی فورس نے ایک شہری کو امام فیصل بن ترکی ریزرو میں مقامی لکڑی کے تین مکعب میٹر منتقل کرنے پر گرفتار کرلیا۔ اس کے خلاف قانونی کارروائی کی گئی اور ضبط شدہ لکڑی متعلقہ ادارے کے حوالے کردی گئی۔

فورس کے مطابق مقامی لکڑی یا کوئلہ منتقل کرنے پر فی مکعب میٹر سولہ ہزار سعودی ریال تک جرمانہ عائد کیا جاسکتا ہے۔ فورس نے شہریوں سے اپیل کی ہے کہ ماحول یا جنگلی حیات کو نقصان پہنچانے والے کسی بھی واقعے کی اطلاع مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر دیں۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔