لبنان کی حوثی دھمکیوں کی مذمت، سعودی عرب سے اظہار یکجہتی

لبنان کی وزارت خارجہ و تارکین وطن نے حوثی ملیشیا کی جانب سے سعودی عرب کے خلاف دی گئی دھمکیوں، خصوصاً باب المندب کے راستے بحری جہاز رانی کو نشانہ بنانے کی دھمکیوں کی شدید الفاظ میں مذمت کی ہے۔

وزارت نے اپنے بیان میں کہا کہ یہ دھمکیاں بین الاقوامی قانون اور متعلقہ سلامتی کونسل کی قراردادوں کی کھلی خلاف ورزی ہیں۔

لبنانی وزارت خارجہ نے ایک بار پھر اس بات پر زور دیا کہ بحری جہاز رانی کی آزادی کا احترام اور بین الاقوامی فیصلوں پر مکمل عمل درآمد ضروری ہے، تاکہ یمنی حکومت کی حمایت اور حوثی ملیشیا کا زیر قبضہ علاقوں سے انخلا یقینی بنایا جا سکے۔

وزارت نے بحری راستوں کے تحفظ اور علاقائی استحکام کی اہمیت پر بھی زور دیا۔