دمام میں سب سے زیادہ، ابہا میں سب سے کم درجہ حرارت متوقع

قومی مرکز برائے موسمیات نے بعض سعودی شہروں میں زیادہ سے زیادہ اور کم سے کم درجہ حرارت کی پیش گوئی کی ہے۔ مرکز کے مطابق دمام میں آج سب سے زیادہ درجہ حرارت 44 ڈگری سینٹی گریڈ جبکہ ابہا میں سب سے کم 16 ڈگری سینٹی گریڈ ریکارڈ ہونے کا امکان ہے۔

مرکز نے اپنی ویب سائٹ پر بتایا کہ آج متوقع زیادہ سے زیادہ درجہ حرارت دمام میں 44، ریاض میں 41، مدینہ منورہ اور مکہ مکرمہ میں 42، جبکہ جدہ میں 37 ڈگری سینٹی گریڈ رہے گا۔

اسی طرح ابہا میں 30، تبوک میں 35، حائل میں 39، الباحہ میں 29، عرعر میں 39، جازان میں 37 اور نجران میں 36 ڈگری سینٹی گریڈ رہنے کی توقع ہے۔

کم سے کم درجہ حرارت کے حوالے سے مرکز نے بتایا کہ ابہا میں 16، الباحہ میں 17، ریاض میں 26، مکہ مکرمہ، مدینہ منورہ اور جدہ میں 30، نجران میں 22، جازان میں 31 اور تبوک میں 21 ڈگری سینٹی گریڈ رہنے کا امکان ہے۔