مدینہ منورہ میں وقاء کی جانب سے پالتو جانوروں کی ریبیز سے بچاؤ کی مہم

مدینہ منورہ میں قومی مرکز برائے انسداد آفات نباتات و امراض حیوانات (وقاء) نے پالتو جانوروں کو ریبیز (Rabies) سے بچانے کے لیے حفاظتی مہم کا آغاز کیا ہے، جو جمعرات یکم اکتوبر 2026 تک جاری رہے گی۔

یہ مہم مرکز کی جانب سے صحت حیوانات کے نظام کو مضبوط بنانے، انسان اور جانوروں میں مشترکہ بیماریوں سے بچاؤ اور ریبیز کے پھیلاؤ کو روکنے کے لیے شروع کی گئی ہے، تاکہ جانوروں اور معاشرے کے افراد کی صحت و سلامتی کو یقینی بنایا جا سکے۔

مرکز نے بتایا کہ حفاظتی مقامات پر جانور پالنے والوں اور مستفیدین کی آمد شام چار بجے سے رات آٹھ بجے تک ہوگی اور یہ سہولت مہم کے دوران روزانہ دستیاب رہے گی۔ مرکز نے پالتو جانوروں کے مالکان سے اپیل کی ہے کہ وہ اس مفت حفاظتی سروس سے فائدہ اٹھائیں اور اپنے جانوروں کو منظور شدہ مقامات پر ضرور لائیں۔

مدینہ منورہ میں وقاء کے مقامی دفتر نے اس عزم کا اظہار کیا ہے کہ وہ حفاظتی اور آگاہی مہمات کو باقاعدگی سے جاری رکھے گا، تاکہ صحت عامہ اور حیوانی وسائل کے تحفظ کے ساتھ ساتھ صحت کے شعور کو بھی فروغ دیا جا سکے۔