برطانوی وزیرہ کی سعودی تعلیمی ماڈل کی تعریف

برطانیہ کی وزیر مملکت برائے مہارت جیکی سمتھ نے سعودی عرب میں تعلیم و تربیت کے معیار کو یقینی بنانے کے ماڈل کی تعریف کی ہے۔

انہوں نے ایک ٹی وی انٹرویو میں کہا کہ تعلیم کی کامیابی کو جانچنے اور بہتری کے لیے ڈیٹا کے استعمال کا جو طریقہ میں نے دیکھا، وہ انتہائی متاثر کن ہے۔

ان کا کہنا تھا کہ ڈیٹا کا استعمال نہ صرف تعلیمی نظام کے مختلف پہلوؤں میں کامیابی کی سطح جانچنے کے لیے کیا جاتا ہے بلکہ اس کے ذریعے بہتری کی کوششوں کی رہنمائی بھی کی جاتی ہے۔ انہوں نے واضح کیا کہ برطانیہ اور سعودی عرب کے درمیان ایک قدر مشترک یہ ہے کہ دونوں ممالک تعلیم کے معیار کو یقینی بنانے کی اہمیت پر یقین رکھتے ہیں۔

سمتھ نے کہا کہ معیار کی ضمانت انتہائی اہم ہے۔ ان کے مطابق سب سے نمایاں بات یہ ہے کہ اسکولوں اور اعلیٰ تعلیمی اداروں میں فراہم کی جانے والی تعلیم کے معیار کی نگرانی اور اس کا تجزیہ بہت اعلیٰ سطح پر کیا جاتا ہے۔

اعرض التغريدة على منصة X