سعودی عرب نے مصنوعی ذہانت میں پانچ برس میں کامیابی کی داستان رقم کی

مصنوعی ذہانت کے ماہر ڈاکٹر سلطان الاحمری نے کہا ہے کہ "سعودی عرب نے گزشتہ پانچ برسوں میں انفراسٹرکچر اور ڈیٹا سینٹرز کو وسعت دے کر ایک کامیابی کی داستان رقم کی ہے، جن کی استعداد 68 میگاواٹ سے بڑھا کر 467 میگاواٹ کر دی گئی ہے، یعنی سالانہ 45 فیصد اضافہ ہوا ہے۔"

انہوں نے الاخباریہ چینل سے گفتگو میں مزید کہا کہ "سعودی عرب نے جو کچھ کیا ہے وہ قابل تعریف ہے۔" ان کا کہنا تھا کہ اگر ڈیٹا نہ ہو تو مصنوعی ذہانت کے کسی بھی ماڈل کی تشکیل ممکن نہیں۔

عالمی بینک گروپ کی جانب سے جاری کردہ عالمی ترقیاتی رپورٹ 2026، جس کا عنوان "مصنوعی ذہانت کا وعدہ" ہے، میں سعودی عرب کی ان ٹیکنالوجیز کے عالمی منظرنامے میں نمایاں پوزیشن کو اجاگر کیا گیا ہے۔ رپورٹ کے مطابق سعودی عرب کو مصنوعی ذہانت میں نجی سرمایہ کاری کرنے والے دنیا کے دس بڑے ممالک میں شامل کیا گیا ہے۔

ایکس پر مکمل خبر دیکھیں