حرمین انتظامیہ نے افطار کے کھانے کی فراہمی کیلئے درخواستیں طلب کرلیں

حرمین شریفین کی عمومی انتظامیہ نے، نسک فاؤنڈیشن کے اشتراک سے، غذائی اشیاء تیار اور فراہم کرنے والی کمپنیوں کیلئے افطار کے کھانے کی فراہمی کی مسابقت میں شرکت کے لیے درخواستیں طلب کرلی ہیں۔ یہ مقابلہ سن 1448 ہجری میں مسجد الحرام اور مسجد نبوی میں روزہ داروں کی خدمت کے لیے منعقد کیا جا رہا ہے۔

اس مسابقت کا مقصد ایسی اہل کمپنیوں کو شامل کرنا ہے جو فنی اور عملی تقاضوں کے مطابق معیاری کھانے فراہم کر سکیں اور غذائی سلامتی کے اصولوں پر مکمل عمل کریں، تاکہ افطار کے کھانے منظور شدہ معیار کے مطابق فراہم کیے جا سکیں۔

اہلیت کے لیے ضروری ہے کہ کمپنی کی گزشتہ تین برسوں کی اوسط سالانہ آمدنی کم از کم 50 ملین سعودی ریال ہو، اس کے پاس ایک دن میں 1,50,000 کھانے فراہم کرنے کا تجربہ ہو، لائسنس یافتہ فوڈ فیکٹری اور کم از کم 15 ریفریجریٹڈ گاڑیاں موجود ہوں، اور کھانے کی تیاری یا فراہمی میں کم از کم پانچ سال کا تجربہ ہو۔ اس کے علاوہ، فوڈ سیفٹی کی منظور شدہ اسناد (جیسے ISO 22000 یا FSSC 22000 یا اس کے مساوی) اور تمام قانونی لائسنس بھی لازمی ہیں۔

انتظامیہ کے مطابق درخواستیں جمع کرانے کا عمل آج اتوار 8 نومبر 2026 سے شروع ہو کر منگل 10 نومبر 2026 تک جاری رہے گا۔ درخواستیں 'سفر' پلیٹ فارم کے ذریعے جمع کرائی جا سکتی ہیں۔

انتظامیہ نے خواہشمند کمپنیوں کو ہدایت کی ہے کہ وہ مسابقت کی تفصیلات، اہلیت کی شرائط اور درخواست کا طریقہ کار اس لنک پر دیکھیں: (https://sufar.org)۔ مزید معلومات کے لیے اس ای میل پر رابطہ کیا جا سکتا ہے: ([email protected])۔