یمن کے لیے سعودی امداد بجٹ، تنخواہوں اور ترقیاتی منصوبوں تک محیط ہے: رشاد العلیمی

یمن کی صدارتی قیادت کونسل کے سربراہ ڈاکٹر رشاد العلیمی نے کہا ہے کہ سعودی عرب کی جانب سے یمن کو دی جانے والی امداد میں بجٹ، تنخواہیں، ترقیاتی، تعلیمی اور صحت کے منصوبے شامل ہیں۔

رشاد العلیمی نے "الاخباریہ" سے گفتگو میں مزید کہا کہ ہم نے صحت، امدادی، پانی اور ماحولیات کے منصوبے شروع کیے ہیں جو یمنی عوام کی مشکلات کم کرنے میں مددگار ہیں، جبکہ سعودی عرب حجہ اور صعدہ میں اسپتالوں کی مالی معاونت کر رہا ہے تاکہ وہاں کے رہائشیوں کو سہولت مل سکے۔

یمنی صدارتی قیادت کونسل کے سربراہ نے عالمی برادری اور تنظیموں سے مطالبہ کیا کہ وہ تعز میں محصور افراد تک امداد پہنچانے کی کوششوں کی حمایت کریں۔