بائرن میونخ نے ہیری کین کو یورپ کا سب سے مہنگا معاہدہ دے دیا

بائرن میونخ نے اپنے انگلش اسٹرائیکر ہیری کین کو ایک تاریخی معاہدہ دیا ہے، جس کے بعد وہ یورپ میں سب سے زیادہ بنیادی تنخواہ پانے والے فٹبالر بن گئے ہیں۔ دونوں فریقین کے درمیان معاہدہ جون 2029 تک بڑھا دیا گیا ہے۔

میڈیا رپورٹس کے مطابق یہ معاہدہ بائرن میونخ کی تاریخ کا سب سے قیمتی معاہدہ ہے اور اس سے کین یورپ میں سب سے زیادہ معاوضہ لینے والے کھلاڑی بن گئے ہیں۔

بائرن میونخ نے جمعرات کی صبح باضابطہ طور پر اعلان کیا کہ ہیری کین کا معاہدہ 30 جون 2029 تک بڑھا دیا گیا ہے۔ انگلش اسٹرائیکر سنہ 2023 کی گرمیوں میں ٹوٹنہم ہاٹ اسپر سے 95 ملین یورو کے عوض بائرن میونخ میں شامل ہوئے تھے۔