ذاتی سانحات کا استحصال ناقابل قبول ہے: سعودی فٹبال فیڈریشن

سعودی فٹبال فیڈریشن اور سعودی پروفیشنل لیگ نے التعاون اور الهلال کے درمیان روشن پروفیشنل لیگ کے ساتویں راؤنڈ میں پیش آنے والے غیر مناسب رویے کی شدید مذمت کی ہے، اور کہا ہے کہ یہ عمل سعودی فٹبال کی اقدار اور کھیل کی روح کے منافی ہے۔

فیڈریشن اور لیگ نے واضح کیا کہ ذاتی سانحات کو کسی کی دل آزاری یا اشتعال انگیزی کے لیے استعمال کرنا ناقابل قبول ہے اور اس کی سعودی فٹبال میں کوئی گنجائش نہیں۔

سعودی فٹبال فیڈریشن نے مزید کہا کہ متعلقہ کمیٹیوں نے ان حرکات کا نوٹس لے لیا ہے اور ضابطوں اور منظور شدہ قوانین کے مطابق کارروائی شروع کر دی ہے، جس کا اعلان تکمیل کے بعد کیا جائے گا۔

اعرض التغريدة على منصة X

نادی التعاون نے بھی میچ کے دوران بعض افراد کی جانب سے الهلال کے ایک کھلاڑی کے خلاف نازیبا نعروں کی شدید مذمت کی ہے اور کہا ہے کہ یہ رویہ نہ تو کلب، نہ اس کے شائقین اور نہ ہی التعاون کے معروف اقدار کی نمائندگی کرتا ہے۔