نوجوان فینسنگ کھلاڑی یوسف آل دہیم انتقال کر گئے، وزیر کھیل کا اظہار تعزیت

وزیر کھیل شہزادہ عبدالعزیز بن ترکی الفیصل نے نوجوان فینسنگ کھلاڑی یوسف انیس آل دہیم کے اچانک انتقال پر تعزیت کا اظہار کیا ہے۔ یوسف آل دہیم سنابس، ضلع قطیف میں واقع النور کلب میں اپنی ٹیم کی تربیت شروع ہونے سے قبل اچانک طبی بحران کا شکار ہو گئے تھے۔

شہزادہ عبدالعزیز بن ترکی الفیصل نے اپنے ایکس اکاؤنٹ پر لکھا: "اللہ نوجوان کھلاڑی یوسف آل دہیم پر اپنی رحمت نازل فرمائے اور انہیں جنت الفردوس میں جگہ دے۔ ان کے اہل خانہ، عزیزوں اور تمام کھلاڑیوں سے دلی تعزیت اور ہمدردی۔ ہم اللہ کے ہیں اور اسی کی طرف لوٹ کر جانا ہے۔"

یوسف آل دہیم، جن کی عمر 16 برس تھی، معمول کے مطابق النور کلب پہنچے اور وارم اپ کے بعد تربیتی لباس پہننے لگے، اسی دوران وہ اچانک زمین پر گر پڑے۔

کھلاڑی کو فوری طبی امداد فراہم کی گئی، تاہم وہ جانبر نہ ہو سکے۔

یوسف آل دہیم کا تعلق مشرقی ریجن کے ضلع قطیف کی صفویٰ شہر سے تھا اور وہ النور کلب کی فینسنگ ٹیم کے نوجوان کھلاڑیوں میں شامل تھے۔

اعرض التغريدة على منصة X

النور کلب نے بھی اپنے کھلاڑی کے انتقال پر افسوس کا اظہار کرتے ہوئے ان کے اہل خانہ، عزیزوں اور ساتھیوں سے تعزیت کی ہے اور دعا کی کہ اللہ مرحوم پر اپنی رحمت نازل فرمائے اور اہل خانہ کو صبر عطا کرے۔

نوجوان کھلاڑی کی اچانک وفات پر مشرقی ریجن اور کھیلوں کے حلقوں میں گہرے رنج و غم کی فضا چھا گئی ہے۔