مبابے کی ریال میڈرڈ مداح بچے سے غیر متوقع ملاقات

ریال میڈرڈ کے فرانسیسی اسٹار کیلیان مبابے نے ٹیم کے ایک کمسن مداح کو اس وقت تسلی دی جب اسے ریسنگ سانتاندر کے خلاف میچ کے دوران تیز گیند چہرے پر لگنے سے چوٹ آئی۔ یہ میچ ریال میڈرڈ نے تین صفر سے جیتا۔

یہ واقعہ ریسنگ سانتاندر کے ہوم گراؤنڈ 'الساردینرو' میں پیش آیا، جب فرانسیسی کھلاڑی اوریلیان چوامینی کی زور دار شاٹ اس بچے کے چہرے پر لگی، جس کے بعد وہ رونے لگا۔ یہ منظر ٹی وی پر بھی دکھایا گیا۔

میچ کے بعد بچے اور اس کے والد نے ریال میڈرڈ چینل کو انٹرویو دیا، اسی دوران اچانک مبابے ان کے پیچھے آ گئے۔ بچے نے خوشی سے اپنے والد سے کہا: 'ابو، دیکھیں، یہ مبابے ہیں'۔

فرانسیسی اسٹرائیکر مبابے بچے اور اس کے والد کے پاس آئے، ان سے مصافحہ کیا اور ہنستے ہوئے کہا: 'یہ چوامینی کی غلطی ہے، اسے گیند مارنا نہیں آتا'۔ اس کے بعد انہوں نے بچے کے ساتھ یادگاری تصویر بھی بنوائی۔

ایکس پر مکمل ویڈیو دیکھیں

صرف مبابے ہی نہیں، بلکہ چوامینی نے بھی ڈریسنگ روم کے ٹنل میں بچے سے معذرت کی اور اسے اپنے دستخط شدہ شرٹ تحفے میں دی تاکہ اس کی دلجوئی ہو سکے۔