کویت میں سعودی سپر کپ، چار ٹیمیں دسمبر میں مد مقابل

سعودی فٹبال فیڈریشن نے پیر کو اعلان کیا ہے کہ 2026/2027 کے سعودی سپر کپ فٹبال ٹورنامنٹ کا تیرہواں ایڈیشن کویت میں منعقد ہوگا۔ اس بار ایک بار پھر ٹورنامنٹ مملکت سے باہر کھیلا جائے گا۔

ٹورنامنٹ کے میچز آئندہ 19 سے 23 دسمبر کے درمیان ہوں گے، جبکہ سیمی فائنل کے مقابلوں کے لیے قرعہ اندازی 14 اکتوبر کو کی جائے گی۔

اس ایڈیشن میں النصر، الاهلی، الخلود اور القادسیہ کی ٹیمیں شریک ہوں گی۔ تمام میچز کویت کے جابر الاحمد انٹرنیشنل اسٹیڈیم میں ہوں گے، جس کی گنجائش تقریباً 60 ہزار تماشائیوں کی ہے۔

سعودی سپر کپ کا مملکت سے باہر انعقاد پہلی بار نہیں ہو رہا، اس سے قبل لندن، ابوظبی اور ہانگ کانگ بھی اس ٹورنامنٹ کی میزبانی کر چکے ہیں۔

گزشتہ ایڈیشن میں الاهلی نے النصر کو پنالٹی شوٹ آؤٹ پر 5-3 سے شکست دے کر سپر کپ اپنے نام کیا تھا، میچ مقررہ وقت میں 2-2 سے برابر رہا تھا۔