مصعب الجوایر کے اخراج کی وجہ کھانا لانا نہیں: فہد المفرج

قومی فٹبال ٹیم کے ایگزیکٹو ڈائریکٹر فہد المفرج نے کہا ہے کہ یہ بات درست نہیں کہ کھلاڑی مصعب الجوایر کو ٹیم کے کیمپ میں کھانا لانے کی وجہ سے اسکواڈ سے نکالا گیا۔

فہد المفرج کے مطابق ٹیم نے کبھی بھی اس نوعیت کی وجہ پر کسی کھلاڑی کو باہر نہیں نکالا۔ انہوں نے بتایا کہ مصعب الجوایر کو اسکواڈ سے نکالنے کا فیصلہ ضوابط و قوانین کی بار بار خلاف ورزی پر کیا گیا، جن کی وضاحت پہلے ہی تمام کھلاڑیوں کو کر دی گئی تھی۔

فہد المفرج نے مزید کہا کہ ٹیم کے اندرونی معاملات کی نوعیت کے باعث خلاف ورزی کی تفصیلات ظاہر نہیں کی جا سکتیں، صرف اتنا بتایا جا سکتا ہے کہ یہ مکمل طور پر نظم و ضبط کا معاملہ ہے۔

اعرض التغريدة على منصة X

اسی حوالے سے ایگزیکٹو ڈائریکٹر نے اس بات پر بھی زور دیا کہ قومی ٹیم کے تمام معاملات بہترین انداز میں چل رہے ہیں اور آئندہ ٹورنامنٹ کی تیاریاں بھی عمدہ طریقے سے جاری ہیں۔