مبابی نے ریال میڈرڈ کے لیے 100 واں گول داغ دیا

کیلیان مبابی نے ریال میڈرڈ کے لیے تمام مقابلوں میں اپنا 100 واں گول اس وقت اسکور کیا جب انہوں نے اتوار کو بارسلونا کے خلاف میچ میں دو گول کیے، جس میں ریال میڈرڈ نے 2-1 سے کامیابی حاصل کی۔

مبابی نے دو گول کر کے اپنی ٹیم کو فتح دلائی اور بارسلونا کو اس سیزن میں ہسپانوی فٹبال لیگ میں پہلی شکست سے دوچار کیا۔

مبابی ریال میڈرڈ کی تاریخ میں 100 یا اس سے زائد گول کرنے والے 24 ویں کھلاڑی بن گئے ہیں، جبکہ وہ یہ سنگ میل تیزی سے عبور کرنے والے چوتھے کھلاڑی بھی ہیں۔ اس فہرست میں الفریڈو ڈی اسٹیفانو، راؤل جونزالیس اور كريستيانو رونالدو بھی شامل ہیں۔