روسیا نے یوکرین پر 35 میزائل اور 185 ڈرون حملے کیے: زیلنسکی

یوکرینی صدر ولودیمیر زیلنسکی نے کہا ہے کہ روس نے گزشتہ رات یوکرین پر 35 میزائل داغے، جن میں سے زیادہ تر بیلسٹک تھے، جبکہ 185 حملہ آور ڈرون بھی استعمال کیے گئے۔

ان کا کہنا تھا کہ یوکرینی افواج صرف ایک روسی بیلسٹک میزائل کو روک سکیں، جس کی وجہ پیٹریاٹ سسٹمز کے لیے مخصوص انٹرسیپٹر میزائلوں کی کمی ہے۔

دوسری جانب، یوکرینی فوجی قیادت نے اعلان کیا ہے کہ انہوں نے جزیرہ نما کریمیا میں روسی بحری ڈرونز کے گودام پر حملے کیے، سواستوپول میں روسی بحریہ کے بلیک سی فلیٹ کے انٹیلی جنس ہیڈکوارٹر کو نشانہ بنایا، اور ان ریلوے لائنوں کو تباہ کیا جنہیں روسی فوج ساز و سامان اور فوجیوں کی نقل و حمل کے لیے استعمال کر رہی تھی۔

ادھر روسی وزارت دفاع نے ہفتے کے روز اعلان کیا کہ دارالحکومت کیف اور اس کے نواح میں ڈرونز اور ان کے پرزہ جات کی تیاری و ذخیرہ کے لاجسٹک مراکز اور الیکٹرانک وارفیئر سسٹمز کو نشانہ بنایا گیا ہے۔

وزارت نے اپنے بیان میں کہا کہ کیف میں واقع ویشنوی لاجسٹک سینٹر پر حملے کیے گئے، جہاں ڈرونز کے پرزہ جات جمع اور تقسیم کیے جاتے تھے۔

روسی وزارت دفاع نے مزید کہا کہ کیف کے علاقے میں ویشنوی لاجسٹک سینٹر کو نقصان پہنچا، جو ڈرونز کی تیاری کے لیے انفرادی پرزہ جات وصول، ذخیرہ، اسمبل اور تقسیم کرتا تھا۔