ڈرائیونگ کے دوران عدم توجہ خطرناک ہے، ٹریفک پولیس کی وارننگ

سعودی جنرل ڈائریکٹوریٹ آف ٹریفک نے ڈرائیونگ کے دوران مکمل توجہ دینے کی اہمیت پر زور دیا ہے اور کہا ہے کہ سڑک پر توجہ دینا نہ صرف ڈرائیور بلکہ دوسروں کی حفاظت کے لیے بھی ضروری ہے۔

ادارے نے واضح کیا کہ ڈرائیونگ کے دوران عدم توجہ خطرناک ثابت ہو سکتی ہے، اس لیے ڈرائیورز کو چاہیے کہ وہ ہر اس چیز سے دور رہیں جو ان کی توجہ بٹائے اور ڈرائیونگ کے وقت سڑک کو ترجیح دیں۔

ایکس پر اصل پوسٹ دیکھیں

سعودی ٹریفک پولیس کے آفیشل اکاؤنٹ نے خبردار کیا ہے کہ ایسی گاڑی چلانا جس کے لیے آپ کے پاس مناسب ڈرائیونگ لائسنس نہ ہو، ایک ٹریفک خلاف ورزی ہے جس پر 1000 سے 2000 سعودی ریال تک جرمانہ عائد ہو سکتا ہے۔

ٹریفک پولیس نے اپنے ایکس اکاؤنٹ پر اس بات کی وضاحت کی کہ ہر ڈرائیور کے لیے ضروری ہے کہ وہ اپنی گاڑی کے مطابق درست ڈرائیونگ لائسنس رکھے تاکہ قانون کے مطابق اور محفوظ ڈرائیونگ کو یقینی بنایا جا سکے اور ٹریفک خلاف ورزیوں میں کمی آئے۔

ادارے نے اس بات پر بھی زور دیا کہ ڈرائیورز اپنی گاڑی اور اس کے استعمال کے مطابق لائسنس کی مطابقت کو یقینی بنائیں اور ٹریفک قوانین و ہدایات کی مکمل پابندی کریں۔