نیا پاسپورٹ فعال کرنے کیلئے ذاتی حاضری ضروری نہیں: جوازات

سعودی عرب میں محکمہ جوازات کے سرکاری اکاؤنٹ پر ایک شہری نے استفسار کیا کہ کیا نیا پاسپورٹ فعال کرانے کے لیے پاسپورٹ ہولڈر کی ذاتی حاضری ضروری ہے؟

محکمہ جوازات نے اپنے ایکس اکاؤنٹ پر بتایا کہ ابشر پلیٹ فارم پر دستیاب الیکٹرانک تفویضات کی سہولت سے فائدہ اٹھایا جا سکتا ہے۔

تغریدہ ایکس پلیٹ فارم پر دیکھیں

محکمہ جوازات نے شہریوں کو ہدایت کی ہے کہ وہ اپنے پاسپورٹ کی حفاظت کریں، چاہے وہ مملکت میں ہوں یا بیرون ملک، اور اسے ضائع ہونے، خراب ہونے یا چوری سے بچائیں۔ پاسپورٹ کو نظرانداز نہ کریں، نہ رہن رکھیں اور نہ ہی اس کا غلط استعمال کریں، بلکہ اسے محفوظ جگہ پر رکھیں۔

محکمہ نے واضح کیا کہ اگر پاسپورٹ مملکت کے اندر گم ہو جائے، خراب ہو جائے یا چوری ہو جائے تو ابشر پلیٹ فارم پر 'سعودی پاسپورٹ گم ہونے کی اطلاع' سروس کے ذریعے رپورٹ کرنا ضروری ہے۔

اگر پاسپورٹ بیرون ملک گم ہو جائے تو قریبی سعودی سفارتخانے یا قونصل خانے کو فوری طور پر مطلع کریں اور مملکت واپسی پر جوازات کے دفتر سے رجوع کر کے قانونی کارروائی مکمل کریں۔