اچانک بریک لگانے پر 500 ریال تک جرمانہ، ٹریفک پولیس کی وارننگ

سعودی جنرل ڈائریکٹوریٹ آف ٹریفک نے ڈرائیوروں کو غیر ضروری طور پر اچانک بریک لگانے سے خبردار کیا ہے، اور واضح کیا ہے کہ یہ عمل ٹریفک قوانین کی خلاف ورزی ہے جس پر مالی جرمانہ عائد کیا جائے گا۔

ٹریفک پولیس نے اپنے سرکاری ایکس اکاؤنٹ پر بتایا کہ بغیر کسی ضرورت کے اچانک بریک لگانا ان خلاف ورزیوں میں شامل ہے جن پر 300 سے 500 سعودی ریال تک جرمانہ ہو سکتا ہے۔

ایکس پر مکمل خبر دیکھیں

سعودی ٹریفک پولیس نے زور دیا کہ ڈرائیور غیر ضروری طور پر اچانک بریک لگانے سے گریز کریں اور ٹریفک قوانین کی پابندی کریں، تاکہ سڑکوں پر حادثات اور خطرات میں کمی آئے اور ڈرائیوروں سمیت تمام روڈ یوزرز کی حفاظت یقینی بنائی جا سکے۔