جوازات نے ابشر پر 'تواصل' سروس کے استفادے کا طریقہ بتایا

سعودی محکمہ جوازات نے وضاحت کی ہے کہ ابشر پلیٹ فارم پر دستیاب 'تواصل' سروس کے ذریعے صارفین وہ درخواستیں جمع کرا سکتے ہیں جنہیں آن لائن مکمل کرنا ممکن نہ ہو، اور اس کے لیے جوازات کے دفاتر جانے کی ضرورت نہیں۔

محکمہ جوازات نے اپنے ایکس اکاؤنٹ پر بتایا کہ اس سروس سے فائدہ اٹھانے کے لیے ابشر پلیٹ فارم پر درج ذیل طریقہ کار اختیار کریں:

- ابشر ویب سائٹ پر لاگ ان کریں۔

- 'خدماتی' کا انتخاب کریں۔

- 'جوازات' سیکشن میں جائیں۔

- 'تواصل سروس' منتخب کریں۔

- 'نئی درخواست جمع کرائیں' پر کلک کریں۔

- متعلقہ شعبہ، سروس اور مستفید کنندہ منتخب کریں۔

- درخواست کی تفصیل لکھیں اور مطلوبہ دستاویزات منسلک کریں۔

- درخواست جمع کرائیں۔

اعرض التغريدة على منصة X

محکمہ جوازات نے مزید کہا کہ 'تواصل' سروس صرف ابشر پلیٹ فارم کے ذریعے دستیاب ہے اور اس کا مقصد صارفین کے لیے سہولت فراہم کرنا اور ان کے وہ معاملات حل کرنا ہے جو آن لائن مکمل نہیں ہو پاتے، بغیر اس کے کہ جوازات کے دفاتر جانا پڑے۔