امریکی فوج نے ایران جنگ میں زیادہ تر دور مار میزائل استعمال کر لیے

تین باخبر ذرائع نے خبر رساں ادارے رائٹرز کو بتایا ہے کہ امریکی فوج نے ایران کے ساتھ پانچ ماہ قبل شروع ہونے والی جنگ میں اپنے زیادہ تر دور مار، جدید میزائل استعمال کر لیے ہیں، جس سے مستقبل میں کسی ممکنہ تنازع کے لیے اس کی تیاری پر خدشات پیدا ہو گئے ہیں۔

ذرائع کے مطابق جن ہتھیاروں کا استعمال کیا گیا ان میں آرمی ٹیکٹیکل میزائل سسٹم (اٹاکمز) اور پریسیژن اسٹرائیک میزائل (پریزم) شامل ہیں، جو امریکی فوج کی جانب سے دور مار اور درست نشانہ لگانے والے زمینی ہتھیاروں میں شمار ہوتے ہیں۔

دو ذرائع نے بتایا کہ امریکہ نے جنگ کے دوران ان میں سے 'تقریباً تمام' ہتھیار استعمال کر لیے، جبکہ اس سے قبل کسی رپورٹ میں امریکی فوج کے اٹاکمز اور پریزم میزائلوں کے ذخیرے میں اس کمی کا ذکر نہیں کیا گیا تھا۔

ذرائع نے یہ بتانے سے گریز کیا کہ امریکہ کے پاس ہر قسم کے کتنے میزائل باقی ہیں اور موجودہ ذخیرے کی مزید تفصیلات فراہم نہیں کیں۔