سعودی عرب سے باہر پاسپورٹ گم یا چوری ہونے پر فوری اطلاع دیں: الجوازات

سعودی عرب کی جنرل ڈائریکٹوریٹ آف پاسپورٹس نے واضح کیا ہے کہ اگر کوئی شہری بیرون ملک قیام کے دوران پاسپورٹ گم، چوری یا ضائع ہوجائے تو اس صورت میں کیا طریقہ کار اختیار کرنا چاہیے۔

محکمہ جوازات نے اپنے سرکاری ایکس اکاؤنٹ پر بتایا کہ اگر پاسپورٹ بیرون ملک گم، چوری یا ضائع ہو جائے تو متعلقہ شخص کو چاہیے کہ فوری طور پر قریبی سعودی سفارتخانے یا قونصل خانے کو اطلاع دے۔

اعرض التغريدة على منصة X

محکمہ نے اس بات پر زور دیا کہ واقعے کی فوری اطلاع دینا ضروری ہے تاکہ گم شدہ، چوری شدہ یا ضائع شدہ پاسپورٹ کے حوالے سے مقررہ ضوابط اور کارروائی عمل میں لائی جا سکے۔