گرمیوں میں گاڑیوں میں آتش گیر اشیا نہ چھوڑیں، ٹریفک پولیس کی تنبیہ

سعودی ٹریفک پولیس نے خبردار کیا ہے کہ گرمیوں کے دوران گاڑیوں میں آتش گیر اشیا چھوڑنے سے شدید خطرات لاحق ہو سکتے ہیں۔ پولیس کے مطابق درجہ حرارت بڑھنے سے حادثات پیش آ سکتے ہیں جو ڈرائیورز اور ان کے ہمراہ افراد کی سلامتی کے لیے خطرہ بن سکتے ہیں۔

ٹریفک پولیس نے اپنے سرکاری "ایکس" اکاؤنٹ پر وضاحت کی کہ گاڑی میں آتش گیر اشیا چھوڑنے سے گریز کرنا ضروری ہے کیونکہ یہ اشیا زیادہ درجہ حرارت میں خطرناک ثابت ہو سکتی ہیں۔

ایکس پر اصل پوسٹ دیکھیں

پولیس نے جن اشیا سے خبردار کیا ہے ان میں دباؤ والی بوتلیں، گیس سلنڈر، عطر، موبائل ڈیوائسز، لائٹرز اور بیٹریاں شامل ہیں۔

سعودی ٹریفک پولیس نے تمام شہریوں اور سڑک استعمال کرنے والوں پر زور دیا ہے کہ وہ حفاظتی ہدایات پر عمل کریں اور خاص طور پر گرمیوں میں ان اشیا کو گاڑی میں نہ چھوڑیں تاکہ اپنی اور دوسروں کی سلامتی کو یقینی بنایا جا سکے اور آگ یا حادثات کے خطرے سے بچا جا سکے۔