ابشر ایپ کے ذریعے مقیم کی تصویر اپ ڈیٹ کرنے کا طریقہ

سعودی محکمہ جوازات نے واضح کیا ہے کہ مقیمین ابشر ایپ کے ذریعے اپنی تصویر اپ ڈیٹ کرنے کی سہولت سے فائدہ اٹھا سکتے ہیں، جس کے لیے صارف کو اپنی تازہ تصویر منسلک کرنا ہوگی۔

محکمہ جوازات نے اپنے ایکس اکاؤنٹ پر بتایا کہ اس سروس تک رسائی کے لیے سب سے پہلے ابشر پلیٹ فارم میں لاگ ان کریں، پھر 'خدمات' منتخب کریں، اس کے بعد 'مقیم کی تصویر اپ ڈیٹ کریں' پر جائیں اور مطلوبہ کارروائیاں مکمل کریں۔

تغریر ایکس پر دیکھیں

مقیم کی تصویر اپ ڈیٹ کرنے کی شرائط

محکمہ جوازات کے مطابق، اس سروس کے ذریعے مقیمین اپنی شناختی تصویر کو ابشر ایپ کے ذریعے الیکٹرانک طور پر اپ ڈیٹ کرنے کی درخواست دے سکتے ہیں۔

تصویر کی منظوری کے لیے ضروری ہے کہ اس کی روشنی اور سائز درست ہوں، مرد حضرات کے لیے سر کھلا ہونا چاہیے، چہرے پر کوئی اضافی چیز نہ ہو اور پس منظر مکمل طور پر سفید ہو۔

محکمہ نے بتایا کہ اپ لوڈ کی گئی تصویر کی تصدیق جدید مصنوعی ذہانت کی ٹیکنالوجی کے ذریعے کی جاتی ہے۔ متعلقہ شعبے کی منظوری کے بعد تصویر اپ ڈیٹ کر دی جاتی ہے، جبکہ صارفین کی بائیومیٹرک تصدیق 'نفاذ' کے ذریعے کی جاتی ہے۔

مزید بتایا گیا کہ اگر 'نفاذ' کو فعال کرنا ممکن نہ ہو تو لاگ ان کے وقت چہرے کی بائیومیٹرک تصدیق کو نظرانداز کرنے کا آپشن بھی موجود ہے۔