ابشر کے ذریعے قومی شناختی کارڈ کی تجدید کے مراحل جاری

سعودی وزارت داخلہ کے محکمہ احوالِ مدنیہ نے واضح کیا ہے کہ قومی شناختی کارڈ کی تجدید ابشر پلیٹ فارم کے ذریعے آن لائن ممکن ہے اور اس کے لیے احوالِ مدنیہ کے دفاتر جانے کی ضرورت نہیں۔ یہ سہولت صارف کے ابشر اکاؤنٹ سے یا کارڈ کی تجدید کے لیے آن لائن وقت لے کر حاصل کی جا سکتی ہے۔

ابشر کے ذریعے قومی شناختی کارڈ کی تجدید کے مراحل

محکمہ احوالِ مدنیہ نے اپنے آفیشل ایکس اکاؤنٹ پر ابشر پلیٹ فارم کے ذریعے قومی شناختی کارڈ کی تجدید کے مراحل بیان کیے ہیں، جو اس طرح ہیں کہ سب سے پہلے ابشر پلیٹ فارم پر لاگ ان کریں اور 'خدماتی' ٹیب سے 'خدمات' منتخب کریں۔

اس سروس کو انجام دینے کے مراحل درج ذیل ہیں:

1. ابشر پلیٹ فارم پر لاگ ان کریں اور 'خدماتی' ٹیب سے 'خدمات' منتخب کریں۔

2. 'احوال مدنیہ' منتخب کریں اور پھر 'قومی شناختی کارڈ کی تجدید' کے آئیکون پر کلک کریں۔

3. تصویر کے لیے مقررہ شرائط پڑھیں اور مطلوبہ معیار کے مطابق تصویر اپ لوڈ کریں۔

4. قومی شناختی کارڈ وصول کرنے کے لیے قومی پتہ منتخب کریں اور ترسیل کی فیس ادا کریں۔

تغریر X پر دیکھیں

محکمہ احوالِ مدنیہ نے اس بات کی بھی تصدیق کی ہے کہ اس سروس کے ذریعے صارفین آسانی سے آن لائن قومی شناختی کارڈ کی تجدید کر سکتے ہیں اور کارڈ اپنے منتخب کردہ پتے پر وصول کر سکتے ہیں۔