ایران میں حملوں کا دائرہ اور اہداف واضح نہیں: امریکی حکام

امریکی نشریاتی ادارے سی این این نے امریکی حکام کے حوالے سے بتایا ہے کہ ایران میں حملوں کا دائرہ اور اہداف ابھی تک واضح نہیں ہوئے۔

امریکی حکام نے مزید کہا کہ ایران پر حملے منسوخ کیے جانے کا امکان بھی موجود ہے، تاہم اس امکان کے لیے انہوں نے کوئی براہ راست وجوہات نہیں بتائیں۔

یہ پیش رفت ایران اور امریکہ کے درمیان جاری کشیدگی کے تناظر میں سامنے آئی ہے۔ ایرانی وزیر خارجہ عباس عراقچی نے کہا ہے کہ کسی بھی جارح ملک کے ساتھ تعاون، چاہے وہ دفاعی معاہدوں کے تحت ہی کیوں نہ ہو، ناقابل قبول ہے۔

عراقچی نے مزید کہا کہ کسی ملک کی سرزمین کو کسی دوسرے ملک پر حملے کے لیے استعمال کرنے کی اجازت دینا جارحیت کے مترادف ہے، اور تہران عمان کے ساتھ مل کر آبنائے ہرمز میں جہاز رانی کے انتظام کے لیے طریقہ کار وضع کرنے کا ارادہ رکھتا ہے۔