جنوبی لبنان میں اسرائیلی فوج کے 2 اہلکار ہلاک، 4 زخمی

اسرائیلی فوج نے جمعرات کو اعلان کیا ہے کہ جنوبی لبنان کے قصبے مجدل زون میں بدھ کے روز ایک عمارت میں داخل ہونے کے بعد دھماکہ خیز مواد پھٹنے سے اس کے دو فوجی ہلاک اور چار دیگر شدید زخمی ہو گئے۔

اسرائیلی میڈیا کے مطابق ابتدائی تحقیقات میں سامنے آیا ہے کہ فوج کے ریزرو بریگیڈ کے اہلکار بدھ کو دوپہر کے وقت مجدل زون کے ایک عمارت میں داخل ہوئے، جہاں اچانک دھماکہ ہوا جس کے نتیجے میں جانی نقصان پیش آیا۔

اس واقعے کا سرکاری اعلان اس وقت سامنے آیا جب اسرائیلی فوج نے بدھ کو جنوبی لبنان پر فضائی حملے کیے، جو جنگ بندی معاہدے کی مسلسل خلاف ورزی ہے۔