زائرین کے لیے مخصوص ایئرپورٹ سے آمد و روانگی ضروری نہیں: جوازات

سعودی عرب میں محکمہ جوازات کے سرکاری اکاؤنٹ پر ایک شہری نے استفسار کیا: "میری بہن کا عائلتی وزٹ ویزا ہے اور اس پر داخلے کا مقام دمام کے کنگ فہد ایئرپورٹ درج ہے، کیا وہ جدہ ایئرپورٹ سے بھی داخل ہو سکتی ہیں؟"

محکمہ جوازات نے اپنے ایکس اکاؤنٹ پر وضاحت کی کہ وزٹ ویزا رکھنے والے افراد کے لیے کسی مخصوص ایئرپورٹ یا سرحدی راستے سے آمد و روانگی ضروری نہیں، بشرطیکہ ویزا اور سفری دستاویز کی مدت کارآمد ہو۔

تغریر ایکس پر دیکھیں

پاسپورٹ کی حفاظت کی ہدایت

محکمہ جوازات نے شہریوں کو ہدایت کی ہے کہ وہ اپنے پاسپورٹ کی مملکت کے اندر اور باہر حفاظت کریں، اسے ضائع، خراب یا چوری ہونے سے بچائیں، اور لاپرواہی یا رہن یا غلط استعمال سے گریز کریں، نیز پاسپورٹ کو محفوظ مقامات پر رکھیں۔

محکمہ نے واضح کیا کہ اگر پاسپورٹ مملکت کے اندر گم ہو جائے، خراب ہو جائے یا چوری ہو جائے تو "ابشر" پلیٹ فارم کے ذریعے سعودی پاسپورٹ کے گم ہونے کی رپورٹ درج کرانا ضروری ہے۔

جبکہ اگر پاسپورٹ مملکت سے باہر گم ہو جائے تو قریبی سعودی سفارتخانے یا قونصل خانے کو فوری اطلاع دیں اور وطن واپسی پر محکمہ جوازات سے رابطہ کر کے قانونی کارروائی مکمل کریں۔