سیئٹل میں فوڈ فیسٹیول کے دوران فائرنگ، دو افراد ہلاک

امریکی حکام نے منگل کو بتایا کہ سیئٹل شہر میں اسپیس نیڈل ٹاور کے قریب فوڈ فیسٹیول کے دوران فائرنگ کے واقعے میں دو افراد ہلاک اور پانچ زخمی ہو گئے۔

سیئٹل فائر ڈیپارٹمنٹ کی ترجمان گریس نونیز کے مطابق، واقعے میں دو افراد موقع پر ہی جان کی بازی ہار گئے جبکہ پانچ زخمیوں کو ہاربر ویو میڈیکل سینٹر منتقل کیا گیا۔ زخمیوں میں 56 سالہ خاتون بھی شامل ہیں جن کی حالت تشویشناک بتائی گئی ہے۔

پولیس اور ایمرجنسی ٹیموں کی بڑی تعداد نے فوری طور پر جائے وقوعہ پر پہنچ کر علاقے کو خالی کرایا۔ حکام نے شہریوں کو شمال مغربی وسطی علاقے سے دور رہنے کی ہدایت کی ہے۔