دفاع شہری کا وارننگ: میزائل یا ڈرون حملوں کی تصاویر یا معلومات شیئر نہ کریں

سعودی محکمہ دفاع شہری نے خبردار کیا ہے کہ میزائل یا ڈرون حملوں کی روک تھام سے متعلق کارروائیوں یا ان کے گرنے کی جگہوں کی تصاویر لینا، شائع کرنا یا معلومات شیئر کرنا قابل گرفت عمل ہے اور اس پر قانونی کارروائی ہو سکتی ہے۔

محکمہ نے اپنے سرکاری ایکس اکاؤنٹ پر جاری وارننگ میں واضح کیا کہ اس نوعیت کی معلومات کا تبادلہ سرکاری ہدایات اور ضوابط کی پابندی کا متقاضی ہے۔ محکمہ نے خبردار کیا کہ ایسی کسی بھی کارروائی یا مقذوفات کے گرنے کی جگہ سے متعلق مواد شائع نہ کیا جائے۔

اعرض التغريدة على منصة X

دفاع شہری نے شہریوں پر زور دیا کہ وہ سرکاری ہدایات کی مکمل پابندی کریں اور ان واقعات سے متعلق کسی بھی قسم کی تصاویر یا معلومات لینے، شائع کرنے یا شیئر کرنے سے گریز کریں تاکہ ملک کی سلامتی اور امن برقرار رہے اور قانونی کارروائی سے بچا جا سکے۔