جوازات نے ابشر پر تنبیہات سروس کی تفصیلات جاری کردیں

سعودی محکمہ جوازات نے اداروں کے لیے ایک نئی الیکٹرانک سروس متعارف کرائی ہے جس کے تحت وہ مقیم یا زائر کے شناختی نمبر کا اندراج کر کے مطلوبہ تنبیہات حاصل کر سکتے ہیں۔

جوازات نے ایکس پلیٹ فارم پر وضاحت کی کہ اس سروس کے ذریعے ادارے مقیمین یا زائرین سے متعلق اطلاعات حاصل کر سکتے ہیں، جس کے لیے شناختی نمبر درج کر کے مناسب تنبیہ منتخب کرنا ہوگی۔

اس سہولت سے فائدہ اٹھانے کے لیے پہلے مقیم پورٹل میں لاگ ان کریں، پھر معاون خدمات میں جا کر تنبیہات سروس منتخب کریں۔ اس کے بعد نیا درخواست فارم پُر کریں، تنبیہ اور شناخت کی قسم منتخب کریں، مطلوبہ معلومات درج کر کے درخواست کی تصدیق کریں۔

تغریر X پر دیکھیں

مقیم کی شناختی دستاویز گم ہونے کی صورت میں

سعودی محکمہ جوازات نے مقیم کی شناختی دستاویز گم ہونے کی اطلاع دینے کے لیے 6 مراحل بیان کیے ہیں، جو مقیم پورٹل کے ذریعے مکمل کیے جا سکتے ہیں۔

محکمہ نے اپنے سرکاری ایکس اکاؤنٹ پر بتایا کہ ادارے اپنے زیر کفالت مقیمین کی شناختی دستاویز گم ہونے کی اطلاع درج ذیل مراحل کے ذریعے دے سکتے ہیں:

1 - مقیم پورٹل میں لاگ ان کریں

2 - مقیم کی تلاش کریں

3 - مقیم کا شناختی نمبر درج کریں

4 - مقیم کا پروفائل دیکھیں

5 - جوازات کی خدمات منتخب کریں

6 - مقیم کی شناختی دستاویز گم ہونے کی اطلاع دیں