بچوں کے چہرے کی تبدیلی پر پاسپورٹ کی تجدید ضروری ہے: سعودی جوازات

سعودی محکمہ جوازات نے وضاحت کی ہے کہ اگر کسی بچے کے چہرے میں نمایاں تبدیلی آجائے تو پاسپورٹ کی تجدید لازمی ہے، تاکہ سفری کارروائیوں میں آسانی ہو سکے۔

یہ وضاحت ایک شہری کے سوال کے جواب میں دی گئی، جس نے ایکس پلیٹ فارم پر پوچھا: "السلام علیکم، میں نے اپنے بچے کا پاسپورٹ دو ماہ کی عمر میں بنوایا تھا، اب اس کی عمر تین سال ہے اور پاسپورٹ تاحال کارآمد ہے، کیا چہرے کی تبدیلی سے کوئی مسئلہ ہوگا؟"

ایکس پر اصل پوسٹ دیکھیں

جوازات نے واضح کیا کہ بچے کے چہرے میں نمایاں تبدیلی کی صورت میں پاسپورٹ کی تجدید ضروری ہے، تاکہ سفری کارروائیوں میں آسانی ہو اور ایئرپورٹس یا سرحدی مقامات پر شناخت میں کسی مشکل کا سامنا نہ کرنا پڑے۔