کیا عدول نام سعودی عرب میں ممنوع ہے؟ احوال مدنیہ کی وضاحت

وزارت داخلہ کی ایجنسی برائے احوال مدنیہ کے سوشل میڈیا اکاؤنٹ پر ایک شہری نے سوال کیا: "میں نے اپنی بیٹی کا نام (عدول) رکھا ہے لیکن منظوری نہیں مل رہی، کیا یہ نام ضوابط اور شریعت کے خلاف ہے؟"

اس پر احوال مدنیہ نے اپنی ایکس (سابقہ ٹوئٹر) پر وضاحت کی کہ ناموں کی کوئی مخصوص فہرست موجود نہیں، بلکہ ناموں کے انتخاب کے لیے کچھ اصول مقرر ہیں۔

تغریر ایکس پر دیکھیں

ناموں کے اندراج کی شرائط

وضاحت میں بتایا گیا کہ ناموں کے اندراج کے لیے درج ذیل شرائط ہیں:

• وہ نام قابل قبول ہیں جو عربوں میں معروف اور معاشرے میں رائج ہوں، جیسے (ولید، عنود)۔

• نام کے ساتھ القاب (مثلاً: سید) کا اندراج ممنوع ہے۔

• مرکب ناموں کا اندراج (جیسے: قمر الزمان) کی اجازت نہیں۔

• نام کے خانے میں اضافی عبارات (جیسے: المعروف بکذا) درج کرنا ممنوع ہے۔

• اسلامی شریعت کے خلاف ناموں (جیسے: عبد الرسول) کا اندراج بھی ممنوع ہے۔