امریکا اور ایران میں آبنائے ہرمز پر معاہدہ متوقع

امریکی وزیر خزانہ اسکاٹ بیسنٹ نے کہا ہے کہ امریکا اور ایران کے درمیان آبنائے ہرمز کو کھولنے کے حوالے سے آج منگل یا کل معاہدہ طے پا سکتا ہے۔

امریکی وزیر نے سی این بی سی کو دیے گئے ایک انٹرویو میں مزید بتایا کہ اس وقت بھی بڑی تعداد میں بحری جہاز آبنائے ہرمز سے گزر رہے ہیں۔

یہ پیش رفت اس وقت سامنے آئی ہے جب امریکی صدر ڈونلڈ ٹرمپ نے ایران کے خلاف طے شدہ امریکی حملہ روکنے کا اعلان کیا، تاکہ مذاکرات کا راستہ کھلا رہے اور کشیدگی کو کم کیا جا سکے۔

امریکا نے آبنائے ہرمز اور اس میں محفوظ بحری نقل و حمل کو ایران کے ساتھ مذاکرات میں اپنی اولین ترجیح قرار دیا ہے۔