سعودی عرب میں گرج چمک کے ساتھ بارش اور دھند کا امکان

آج اتوار 16 ربیع الثانی 1448 کو سعودی عرب میں موسم کی صورتحال کے مطابق مختلف علاقوں میں درمیانے سے تیز بارش کا سلسلہ جاری رہنے کا امکان ہے، جس سے سیلابی کیفیت پیدا ہو سکتی ہے۔ اس کے ساتھ ژالہ باری اور تیز ہوائیں بھی چلیں گی، جو جازان، عسیر، الباحہ اور مکہ مکرمہ کے حصوں میں متوقع ہیں جبکہ مدینہ منورہ کے بعض حصوں میں ہلکی سے درمیانی بارش ہو سکتی ہے۔

آج اتوار کا موسم

آسمان جزوی طور پر ابر آلود رہے گا اور کہیں کہیں گرج چمک کے ساتھ بارش کا امکان ہے، خصوصاً حائل، قصیم اور شمالی سرحدی علاقوں میں۔ اس کے علاوہ مکہ مکرمہ اور مشرقی ریجن کے ساحلی حصوں میں رات کے وقت دھند بننے کا خدشہ ہے۔

بحر احمر کے حوالے سے پیش گوئی ہے کہ شمالی حصے میں سطحی ہوائیں شمال مغرب سے شمال کی سمت 20 تا 45 کلومیٹر فی گھنٹہ کی رفتار سے چلیں گی، جبکہ درمیانی حصے میں شمال مغرب سے مغرب کی سمت 20 تا 45 کلومیٹر فی گھنٹہ کی رفتار سے ہوائیں متوقع ہیں۔ جنوبی حصے میں ہوائیں جنوب مغرب سے شمال مغرب کی سمت 10 تا 30 کلومیٹر فی گھنٹہ کی رفتار سے چل سکتی ہیں، جو گرج چمک کے ساتھ بارش کے دوران 50 کلومیٹر فی گھنٹہ سے بھی تجاوز کر سکتی ہیں۔

شمالی اور درمیانی حصے میں موجوں کی اونچائی ڈیڑھ میٹر سے ڈھائی میٹر تک رہے گی، جبکہ جنوبی حصے میں یہ نصف میٹر سے ڈیڑھ میٹر تک اور گرج چمک کے ساتھ بارش کے دوران دو میٹر سے بھی زیادہ ہو سکتی ہے۔