کم آمدنی پر ویلیو ایڈڈ ٹیکس میں رجسٹریشن لازمی ہے؟ زکوة و کسٹمز کی وضاحت

زکوة و ٹیکس اور کسٹمز اتھارٹی نے ویلیو ایڈڈ ٹیکس کے نظام میں رجسٹریشن کے ضوابط کی وضاحت کی ہے۔ یہ وضاحت ایک صارف کے اس سوال پر کی گئی کہ اگر کسی نئی کمپنی کی متوقع سالانہ آمدنی 200 ہزار سعودی ریال سے کم ہو تو کیا وہ رجسٹریشن اور ٹیکس نمبر حاصل کر سکتی ہے؟

سوال میں پوچھا گیا: "میری نئی کمپنی ہے اور میں ویلیو ایڈڈ ٹیکس میں رجسٹریشن چاہتا ہوں، مگر آئندہ سالوں میں آمدنی 200 ہزار سے زیادہ نہیں ہوگی۔ کیا میں ٹیکس نمبر حاصل کر سکتا ہوں؟"

ایکس پر اصل پوسٹ دیکھیں

اتھارٹی نے بتایا کہ ہر وہ شخص یا ادارہ جو معاشی سرگرمی انجام دیتا ہے، اگر اس کی سالانہ آمدنی 375 ہزار سعودی ریال یا اس سے زیادہ ہو تو اس کے لیے ویلیو ایڈڈ ٹیکس میں رجسٹریشن لازمی ہے۔

اتھارٹی کے مطابق جن افراد یا اداروں کی سالانہ آمدنی 187,500 سعودی ریال سے زیادہ اور 375 ہزار سعودی ریال سے کم ہو، وہ اختیاری طور پر ویلیو ایڈڈ ٹیکس میں رجسٹریشن کر سکتے ہیں۔

جبکہ جن کی سالانہ آمدنی 187,500 سعودی ریال سے کم ہو، وہ ویلیو ایڈڈ ٹیکس میں رجسٹریشن کے اہل نہیں ہیں۔