اقامہ میں عربی نام کی غلطی کی صورت میں طریقہ کار جاری

سعودی عرب کی جنرل ڈائریکٹوریٹ آف پاسپورٹس (جوازات) نے اپنے ایکس اکاؤنٹ پر وضاحت کی ہے کہ اقامہ میں عربی نام کی غلطی کی صورت میں کیا طریقہ کار اختیار کیا جائے۔

جوازات کے مطابق اگر اقامہ میں عربی نام میں کوئی غلطی ہو تو اس صورت میں آجر یا اس کا مقرر کردہ نمائندہ جوازات کے دفتر میں وقت لے کر رجوع کرے۔

یہ وضاحت ایک صارف کے سوال کے جواب میں دی گئی، جس نے پوچھا تھا: "السلام علیکم، میرے اقامہ میں عربی نام میں غلطی ہے، اسے کیسے درست کرا سکتا ہوں؟"

ایکس پر اصل پوسٹ دیکھیں

مقیم کارڈ گم ہونے کی اطلاع دینے کا طریقہ

محکمہ جوازات نے مقیم کارڈ گم ہونے کی اطلاع دینے کے لیے 6 مراحل بیان کیے ہیں، جو 'مقیم' پورٹل کے ذریعے مکمل کیے جا سکتے ہیں۔

محکمہ کے مطابق ادارے اپنے زیر کفالت غیر ملکیوں کے مقیم کارڈ گم ہونے کی اطلاع ان مراحل کے ذریعے دے سکتے ہیں:

1 - مقیم پورٹل میں لاگ ان کریں

2 - مقیم کو تلاش کریں

3 - مقیم کارڈ نمبر شامل کریں

4 - مقیم کا پروفائل دیکھیں

5 - جوازات سروسز منتخب کریں

6 - مقیم کارڈ گم ہونے کی اطلاع منتخب کریں