فیملی کے افراد کا نیا پاسپورٹ فعال کرنے کا طریقہ—جوازات کی وضاحت

سعودی عرب میں محکمہ جوازات کے سرکاری اکاؤنٹ پر ایک شہری نے سوال کیا: "کیا والدہ اپنی بیٹی کا نیا پاسپورٹ فعال کروانے جوازات جا سکتی ہیں؟"

محکمہ جوازات نے اپنے ایکس اکاؤنٹ پر وضاحت کی کہ والدین میں سے کوئی بھی فرد فیملی کے کسی بھی رکن کا سابقہ پاسپورٹ چیک کروا کر نیا پاسپورٹ فعال کرا سکتا ہے، اس کے لیے پیشگی وقت لینے کی ضرورت نہیں۔

محکمہ نے یہ بھی واضح کیا کہ نیا پاسپورٹ فعال کرواتے وقت پرانا پاسپورٹ ساتھ لانا ضروری ہے۔

ایکس پر اصل پوسٹ دیکھیں

پاسپورٹ کی حفاظت

محکمہ جوازات نے شہریوں کو ہدایت کی ہے کہ وہ اپنے پاسپورٹس کی مملکت کے اندر اور باہر حفاظت کریں، انہیں ضائع، خراب یا چوری ہونے سے بچائیں، اور پاسپورٹ کو لاپرواہی یا غلط استعمال سے محفوظ رکھیں۔

محکمہ نے بتایا کہ اگر پاسپورٹ مملکت کے اندر گم ہو جائے، خراب ہو جائے یا چوری ہو جائے تو "ابشر" پلیٹ فارم کے ذریعے گمشدگی کی اطلاع دینا ضروری ہے۔

اگر پاسپورٹ بیرون ملک گم ہو جائے تو قریبی سعودی سفارتخانے کو فوری اطلاع دیں اور وطن واپسی پر جوازات کے دفتر سے ضابطے کی کارروائی مکمل کریں۔