جوازات نے الیکٹرانک گیٹس سے روانگی کا طریقہ بتایا

سعودی محکمہ جوازات نے اعلان کیا ہے کہ بین الاقوامی ہوائی اڈوں پر ضیوف الرحمن کی روانگی کو آسان بنانے کے لیے الیکٹرانک گیٹس کی سہولت فراہم کی گئی ہے، جس سے مسافر خودکار اور تیز رفتار طریقے سے سفر کے مراحل مکمل کر سکتے ہیں۔

محکمہ جوازات نے ایکس پلیٹ فارم پر بتایا کہ یہ سروس مسافروں کو کئی بین الاقوامی ہوائی اڈوں پر بآسانی الیکٹرانک طریقے سے سفری کارروائی مکمل کرنے کی سہولت دیتی ہے۔

مزید بتایا گیا کہ اس سہولت سے فائدہ اٹھانے کے لیے مسافر کو پہلے سفری دستاویز اسکین کرنی ہوگی، پھر بائیومیٹرک تصدیق کے لیے کیمرے کے سامنے کھڑا ہونا ہوگا۔

محکمہ نے اس بات پر زور دیا کہ بائیومیٹرک تصدیق کے عمل کو کامیاب بنانے کے لیے الیکٹرانک گیٹس استعمال کرتے وقت ٹوپی، عینک اور کیمرہ ہٹا دینا ضروری ہے۔

یہ سہولت بین الاقوامی ہوائی اڈوں سے سفر کرنے والے مسافروں کے لیے تیز تر اور آسان سفری تجربہ فراہم کرتی ہے۔

اعرض التغريدة على منصة X