عمرہ کے دوران ساتھی گم ہو جائے تو کیا کریں؟

وزارت حج و عمرہ نے معتمرین کے لیے ایک آگاہی پیغام جاری کیا ہے جس میں بتایا گیا ہے کہ عمرہ کے مناسک کے دوران اگر کوئی ساتھی گم ہو جائے تو کن اقدامات پر عمل کرنا چاہیے۔

وزارت نے اپنے ایکس (سابقہ ٹوئٹر) اکاؤنٹ پر وضاحت کی ہے کہ اگر کوئی ساتھی گم ہو جائے تو قریبی 'نسک عناية' مرکز سے مدد حاصل کی جا سکتی ہے یا پھر مہمانانِ الرحمن کی خدمت کے مرکز سے 1966 پر رابطہ کریں۔

ایکس پر مکمل پوسٹ دیکھیں

وزارت نے اس موقع پر پرسکون رہنے اور جلد بازی سے گریز کرنے کی اہمیت پر زور دیا ہے، کیونکہ تحمل سے کام لینے سے درست اقدام کرنا اور گمشدہ فرد تک جلد پہنچنا ممکن ہوتا ہے۔

اپنے آگاہی پیغام میں وزارت نے کہا: ''ہر سوال کے ساتھ ایک جواب ہے جو آپ کے سفر کو بہتر بناتا ہے''۔ یہ پیغام ضیوف الرحمن کو مناسک کی ادائیگی کے دوران رہنمائی اور سہولتیں فراہم کرنے کی کوششوں کا حصہ ہے۔