ایران امریکی دھمکیوں میں کوئی معاہدہ نہیں کرے گی: پاسداران انقلاب

ایرانی پاسداران انقلاب نے واضح کیا ہے کہ تہران اس وقت تک کوئی معاہدہ نہیں کرے گا جب تک اس پر فوجی حملے کی امریکی دھمکی برقرار ہے۔

پاسداران انقلاب کے ایک عہدیدار نے، جو پاسداران انقلاب کے زیر انتظام ویب سائٹ 'سباہ نیوز' سے گفتگو کر رہے تھے، کہا کہ سلطنت عمان کے ساتھ آبنائے ہرمز سے متعلق جاری مذاکرات میں اب تک معاہدہ نہ ہونے کی وجہ امریکہ کی مداخلت اور اس کے صدر ڈونلڈ ٹرمپ کی دھمکیاں ہیں۔

عہدیدار کے مطابق جب تک امریکی مداخلت اور ایران پر فوجی حملے کی دھمکیاں جاری رہیں گی، معاہدے تک پہنچنے میں تاخیر ہوگی۔ ایران دھمکیوں کے سائے میں کوئی معاہدہ نہیں کرے گا۔

ایران نے پیر کے روز سلطنت عمان کے ساتھ مذاکرات دوبارہ شروع کیے ہیں، جن کا مقصد آبنائے ہرمز میں جہازوں کی محفوظ گزرگاہوں کا تعین کرنا ہے۔

ایرانی وزارت خارجہ کے ترجمان اسماعیل بقائی نے منگل کو بتایا کہ سلطنت عمان کے ساتھ تکنیکی اور سیاسی مذاکرات میں پیش رفت ہوئی ہے، جس کا مقصد آبنائے ہرمز میں جہازوں کے لیے محفوظ راستے متعین کرنا ہے۔

واضح رہے کہ واشنگٹن اور تہران نے 18 جون کو ایک مفاہمتی یادداشت پر دستخط کیے تھے اور حتمی معاہدے کے لیے مذاکرات شروع کیے تھے، تاہم آبنائے ہرمز میں بحری نقل و حمل کی آزادی اور سلامتی کے حوالے سے اختلافات پیدا ہو گئے۔