سعودی جہازوں پر حملے کے بعد ٹرمپ کی ایران اور حوثیوں کو فوجی کارروائی کی دھمکی

امریکی صدر ڈونلڈ ٹرمپ نے کہا ہے کہ اگر حوثی باغیوں نے دوبارہ بحری جہازوں کو نشانہ بنایا تو امریکہ ایران کو اس کا ذمہ دار ٹھہرائے گا۔ ان کا کہنا تھا کہ حوثی "ایران کے ایجنٹ یا نمائندے" ہیں اور اس طرح کے کسی بھی حملے کا جواب "بڑی فوجی کارروائی" کی صورت میں دیا جائے گا، جو ایران اور حوثیوں دونوں کو نشانہ بنائے گی۔

ٹرمپ نے سوشل میڈیا پلیٹ فارم "ٹروتھ سوشل" پر اپنے پیغام میں کہا کہ ایک سال قبل امریکہ نے حوثیوں کے خلاف سخت کارروائی کی تھی کیونکہ انہوں نے بحری جہازوں پر حملے کر کے تجارت میں مداخلت کی تھی۔

انہوں نے مزید کہا کہ اس کے بعد سے، امریکہ اور ایران کے درمیان کشیدگی کے دوران، حوثیوں نے "بڑی ذمہ داری کا مظاہرہ کیا"، لیکن اب وہ "پھر سے اپنی پرانی حرکتوں پر آ گئے ہیں"۔ ٹرمپ کے مطابق، "گزشتہ رات انہوں نے دو سعودی جہازوں پر حملہ کیا۔"

ٹرمپ نے کہا: "میں امید کرتا ہوں کہ یہ حقیقت سب کے لیے واضح ہو جائے کہ اگر انہوں نے اس عمل کو دہرایا تو امریکہ ایران کو اس کا ذمہ دار ٹھہرائے گا، کیونکہ حوثی ایران کے ایجنٹ یا نمائندے ہیں، اور ایران کے ساتھ ساتھ خود حوثیوں کو بھی بڑی فوجی سزا دی جائے گی۔"

https://truthsocial.com/@realDonaldTrump/posts/116969243226176328

انہوں نے مزید کہا: "مجھے ان پر بہت مایوسی ہوئی ہے کیونکہ اب تک انہوں نے پیشہ ورانہ اور دانشمندی سے کام لیا تھا۔ اس معاملے میں دلچسپی لینے کا شکریہ!"