سعودی عرب میں آج تیز ہوائیں اور گرد آلود موسم کی پیشگوئی

آج بدھ 10 جمادی الاول 1448 کو سعودی عرب میں موسم کی صورتحال میں درمیانے سے شدید گرج چمک کے ساتھ بارش کا سلسلہ جاری رہنے کی توقع ہے، جس سے سیلابی کیفیت پیدا ہو سکتی ہے۔ یہ بارش ژالہ باری اور تیز ہواؤں کے ساتھ جازان، عسیر، الباحہ اور مکہ مکرمہ کے بعض حصوں میں متوقع ہے۔ ان علاقوں میں بعض مقامات پر دھند بھی چھا سکتی ہے، جبکہ مشرقی علاقے خصوصاً ساحلی پٹی پر حد نگاہ میں کمی کا امکان ہے۔

اسی طرح حائل، شمالی سرحدی علاقہ اور مشرقی ریجن کے بعض حصوں میں بھی گرج چمک کے ساتھ بارش اور تیز ہواؤں کے باعث گرد و غبار اٹھنے کا امکان برقرار ہے۔

آج بدھ کا موسم

بحر احمر میں شمالی حصے میں سطحی ہوائیں شمال مغرب سے شمال کی سمت 20 سے 40 کلومیٹر فی گھنٹہ کی رفتار سے چلیں گی، جو خلیج عقبہ کی طرف 50 کلومیٹر فی گھنٹہ تک پہنچ سکتی ہیں۔ درمیانی حصے میں شمال مغربی سے مغربی ہوائیں 20 سے 40 کلومیٹر فی گھنٹہ جبکہ جنوبی حصے میں 15 سے 30 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 60 کلومیٹر فی گھنٹہ سے بھی تجاوز کر سکتی ہیں۔

شمالی حصے میں موجوں کی بلندی ایک سے دو میٹر تک رہے گی، جو خلیج عقبہ کی سمت دو میٹر سے بھی زیادہ ہو سکتی ہے۔ درمیانی حصے میں ایک سے دو میٹر جبکہ جنوبی حصے میں آدھے میٹر سے ایک میٹر تک رہے گی، جو گرج چمک کے ساتھ بارش کے دوران دو میٹر سے بھی زیادہ ہو سکتی ہے۔