خلیجی ممالک کا سفر: قومی شناختی کارڈ پر بھی ممکن ہے

محکمہ پاسپورٹ کو ایک شہری نے استفسار بھیجا: "اگر میں امارات جانا چاہوں تو کیا لازمی طور پر پاسپورٹ چاہیے یا قومی شناختی کارڈ پر بھی سفر ممکن ہے؟ یاد رہے کہ سفر ہوائی جہاز سے ہوگا۔"

محکمہ پاسپورٹ نے اپنے ایکس اکاؤنٹ پر وضاحت کی کہ خلیجی ممالک کے سفر کے لیے قومی شناختی کارڈ استعمال کیا جا سکتا ہے، بشرطیکہ اس کی میعاد سفر کے وقت کم از کم تین ماہ باقی ہو۔

تغریر ایکس پر دیکھیں

محکمہ پاسپورٹ نے شہریوں کو ہدایت کی ہے کہ وہ اپنے پاسپورٹ کی حفاظت کریں، چاہے وہ مملکت کے اندر ہوں یا باہر، اور اسے ضائع ہونے، خراب ہونے یا چوری سے بچائیں۔ پاسپورٹ کو نظرانداز نہ کریں، نہ ہی اسے رہن رکھیں یا غلط استعمال کریں، اور اسے محفوظ جگہ پر رکھیں۔

محکمہ نے واضح کیا کہ اگر پاسپورٹ مملکت کے اندر گم ہو جائے، خراب ہو جائے یا چوری ہو جائے تو "ابشر" پلیٹ فارم کے ذریعے سعودی پاسپورٹ کے گم ہونے کی اطلاع دینا ضروری ہے۔

اگر پاسپورٹ مملکت سے باہر گم ہو جائے تو قریبی سعودی سفارتخانے یا قونصل خانے کو فوری طور پر اطلاع دیں اور وطن واپسی پر محکمہ پاسپورٹ سے رجوع کر کے قانونی کارروائی مکمل کریں۔