کویتی فوج نے ایرانی ڈرون حملے ناکام بنا دیے

کویتی فضائی دفاع نے ایران کی جانب سے بھیجے گئے ڈرون حملوں کو ناکام بنا دیا ہے۔

کویتی فوج نے اپنے بیان میں کہا ہے کہ ہماری فضائی دفاعی فورسز ایرانی جارحیت کے بعد دشمن ڈرون حملوں کا مقابلہ کر رہی ہیں۔

کویتی فوج کے جنرل اسٹاف نے وضاحت کی ہے کہ اگر دھماکوں کی آوازیں سنائی دیں تو وہ دشمن حملوں کو روکنے والے فضائی دفاعی نظام کی وجہ سے ہیں۔

کویتی فوج نے سب کو متعلقہ اداروں کی جانب سے جاری کردہ سکیورٹی اور حفاظتی ہدایات پر عمل کرنے کی ہدایت کی ہے۔

ادھر ایک برطانوی بحری ادارے کے مطابق عمانی ساحل کے قریب ایک آئل ٹینکر پر میزائل حملہ ہوا جس سے انجن روم کو نقصان پہنچا، تاہم کسی جانی نقصان کی اطلاع نہیں ملی۔