شہری اوقات کے باہر شہروں میں ٹرکوں کا داخلہ ممنوع، 2 ہزار ریال تک جرمانہ

ٹریفک پولیس نے واضح کیا ہے کہ شہروں میں ٹرکوں اور بھاری مشینری کا مقررہ اوقات کے علاوہ داخلہ یا اخراج ٹریفک خلاف ورزی ہے۔

ادارے نے ایکس پلیٹ فارم پر بتایا کہ اس خلاف ورزی پر جرمانہ ایک ہزار سے دو ہزار سعودی ریال تک ہو سکتا ہے۔

گاڑیوں کے درمیان خطرناک انداز میں ڈرائیونگ

ٹریفک پولیس نے سڑکوں پر گاڑیوں کے درمیان خطرناک انداز میں ڈرائیونگ کے نقصانات سے خبردار کیا ہے اور کہا ہے کہ اس سے ڈرائیور کو گاڑی پر کنٹرول کھونے کا خطرہ رہتا ہے۔

ادارے نے اس سے قبل بھی واضح کیا تھا کہ تیز رفتاری سے گاڑیوں کے درمیان بار بار لین بدلنا ٹریفک خلاف ورزی ہے، جس پر تین ہزار سے چھ ہزار سعودی ریال تک جرمانہ عائد ہو سکتا ہے۔