محنت کشوں کو دھوپ میں کام پر لگانا قابل سزا قرار

وزارت افرادی قوت و سماجی بہبود نے واضح کیا ہے کہ اگر کوئی آجر مزدور کو کھلی دھوپ یا خراب موسمی حالات میں ضروری احتیاطی تدابیر کے بغیر کام پر لگاتا ہے تو یہ قوانین کی خلاف ورزی ہے۔

وزارت نے اپنے ایکس (سابقہ ٹوئٹر) اکاؤنٹ پر بتایا کہ خلاف ورزی کی اطلاع وزارت افرادی قوت و سماجی بہبود کے افراد کے لیے مخصوص ایپ کے ذریعے دی جا سکتی ہے۔

ایکس پر مکمل ٹویٹ دیکھیں

وزارت کی یہ وضاحت ایک صارف کی جانب سے دوپہر کے وقت ایک منصوبے میں کام کرنے والے مزدوروں کی اطلاع دینے کے طریقہ کار سے متعلق سوال پر سامنے آئی۔

وزارت نے شہریوں سے اپیل کی ہے کہ وہ شکایات کے لیے سرکاری ذرائع استعمال کریں، اور وزارت کی ایپ اس لنک پر دستیاب ہے: hrsd.gov.sa/hrsd-app۔