تجارتی اداروں کے لیے الیکٹرانک ادائیگی قبول کرنا لازم: وزارت تجارت

وزارت تجارت نے اس بات کی تصدیق کی ہے کہ تجارتی ادارے نقدی (کاغذی اور سکوں کی صورت میں) کے ساتھ ساتھ الیکٹرانک ادائیگی کے ذرائع قبول کرنے کے پابند ہیں، اور اس کی خلاف ورزی پر انتباہ جاری کیا ہے۔

وزارت نے اپنے سرکاری ایکس اکاؤنٹ پر وضاحت کی ہے کہ اگر کسی جگہ اس کی خلاف ورزی ہو تو صارفین وزارت کے 'بلاغ تجاری' ایپ کے ذریعے شکایت درج کر سکتے ہیں، جس کا لنک یہ ہے: mc.gov.sa/C-app۔

ایکس پر مکمل ٹویٹ دیکھیں

وزارت کی یہ وضاحت ایک صارف کے اس استفسار کے جواب میں سامنے آئی ہے جس میں کہا گیا تھا کہ بعض نجی اسکول فیس کی رقم کی منتقلی یا ادائیگی کے لیے کریڈٹ کارڈ یا 'مدی' کارڈ کے ذریعے ادائیگی قبول نہیں کرتے اور صرف نقد ادائیگی پر اصرار کرتے ہیں۔

وزارت تجارت نے صارفین پر زور دیا ہے کہ وہ کسی بھی ایسی تجارتی ادارے کی اطلاع دیں جو منظور شدہ ادائیگی کے ذرائع قبول کرنے سے انکار کرے، تاکہ متعلقہ حکام خلاف ورزی پر قانونی کارروائی کر سکیں۔