مجتبی خامنہ ای نے بزشکیان سے کار میں ملاقات پر رضامندی ظاہر کی

ایران انٹرنیشنل نے انکشاف کیا ہے کہ ایرانی رہبر مجتبی خامنہ ای اور صدر مسعود بزشکیان کے درمیان ایک خفیہ ملاقات ہوئی۔

رپورٹ کے مطابق، رہبر اعلیٰ نے صدر بزشکیان کی جانب سے استعفے کی دھمکی کے بعد ان سے گاڑی میں ملاقات پر رضامندی ظاہر کی، جبکہ اس ملاقات کی جگہ ظاہر نہیں کی گئی۔

یہ ملاقات بزشکیان کی جانب سے بار بار درخواستوں اور استعفے کی دھمکی کے بعد طے پائی، تاہم انہیں بتایا گیا کہ یہ اجلاس معمول کے مطابق رہبر کے مستقل دفتر میں نہیں ہوگا۔

یہ پیش رفت اس وقت سامنے آئی ہے جب ایرانی حکام نے رہبر مجتبی خامنہ ای پر سکیورٹی کے سخت اقدامات نافذ کر رکھے ہیں۔